Zawpense Kwis 2022
Prieze prieze prieze!!! Wènnaars , wènnaars, wènnaars, Väör ’t twïëde jaor op rie nuedig Vastelaovesvereiniging de Zawpense uch oet óm mit te doon aan eine grandiose Zawpense Kwis. Op zónjig 6 fibberwarie óm 19:00 zal weer eine online kwis väör uch klaor staon wo in geer sjieke prieze kènt wènne! Wie g’r uch kènt insjrieve laes geer hie ónger. D’r zeen mer ein beperk aantal plekke besjikbaar, dus bèn d’r snel bie!
Wie kènt geer mitdoon aan de kwis?
Hiël simpel! Gank nao: https://zawpense22.myonline.store en bestèl uch pakket. Lèt op! Insjrieve kènt tot zónjig 30 jannewarie.
Óm ’t extra gezellig te make zeen d’r ein aantal Zawpense Kwispakkette besjikbaar die geer kènt bestèlle:
– Kwisticket + laoterie (€2,50)
– Kwisticket + laoterie + borrelplank (€7,50)
– Kwisticket + laoterie + borrelplank + beerpakket (€11,00)
De pakkette zeen op zondig 6 fibberwarie tösje 14.00 en 16.00 oer aaf te haole bie Slijterij & Partyservice van Didden. Uch kwisticket is daonaeve ouch ein laot en doot geer automaties mit aan de laoterie.
Wie geit ’t ein en anger in zien werk?
Naodat geer zeet ingesrjeve krieg geer eine e-mail mit instrukties. Dit jaor wurdt ’t get anges aangepak en wurdt aan de deilnömmers gevraog om zich te verkleije (de meis opvallende vertuening krig eine pries). Weer gaon gebroek make van Zoom. ’t Beste kènt geer hieväör eine laptop mit webcam gebroeke. Geer kènt eventueel de laptop op de tillevisie aansloete mit eine HDMI kabel zaodat geer op gróat sjerm nao de kwis kènt kieke.
Zoom wirk ’t beste esse de app duis installere op de laptop (De app is hie te vènje: https://zoom.us/download). Zoom pas de kwaliteit van ’t beeld aan nao de kwaliteit van ’t internet. Zörg dus väör ein stabiele verbènjing (WiFi of mit kabel)!!
’t Is natuurlijk ouch mäögelijk om mit eine tablet of tillefoon mit te kieke, mer dan mot alles op ein klein sjerm en dat is get onhenjiger. Dus ozze tip: kiek oppe tillevisie en speel oppe tillefoon.
Inlogge dae daag kènt vanaaf 18:00 oer, tot 19:00 oer klink d’r dan lekkere vastelaovesmeziek om in de stömming te komme. Óm 19:00 oer start de kwis.
Zèt dus zónjig 6 fibberwarie óm 18.00 oer dus vas in de agenda! Wae zal de opvolger waere van Marloes Savelkoul-Wijshoff en de hoofpries in óntvangs maoge numme?!
Alvas väöl plezeer!
