Zawpense Breingymnastiek op aafstandj
Vastelaovesvereiniging de Zawpense nuedig uch oet óm mit te doon aan “Zawpense Breingymnastiek op aafstandj”. Op zónjig 7 fibberwarie óm 19:00 zal eine online kwis väör uch klaor staon op https://zawpense.nl/kwis, wo in geer ’t kènt opnumme taege anger deilnummers en sjieke prieze kènt wènne! Wie g’r uch kènt insjrieve laes geer hie ónger. D’r zeen mer ein beperk aantal plekke besjikbaar, dus bèn d’r snel bie!
Wie kèn ich mitdoon aan de kwis?
Hiël simpel! Gank nao: https://zawpense.myonline.store en bestèl uch pakket. Lèt op! Insjrieve kènt tot zaoterdig 30 jannewarie.
Óm ’t extra gezellig te make zeen d’r ein aantal Zawpense Kwispakkette besjikbaar die geer kènt bestèlle:
⦁ Kwisticket (€2,50)
⦁ Kwisticket + borrelplank (€7,00)
⦁ Kwisticket mit borrelplank + beerpakket (€11,00)
De pakkette zeen aaf te haole bie Slijterij & Partyservice van Didden. Uch kwisticket is daonaeve ouch ein laot en doot geer automaties mit aan de laoterie.
Wie geit ’t ein en anger in zien werk?
Naodat geer zeet ingesrjeve gaot geer op 7 fibberwarie nao https://zawpense.nl/kwis en volg geer de instruksie op https://zawpense.nl/handleiding-kwis wie geer toegang krieg tot de kwis. Vanaaf dan is ’t allein nog wachte tot de kwis begint, good uch bès doon en eventueel geniete van de woos, kiës en pilskes. De meis kreatieve naam en foto krig ouch eine pries!
Inlogge dae daag kènt vanaaf 18:00 oer, tot 19:00 oer klink d’r dan lekkere vastelaovesmeziek om in de stömming te komme. Vanaaf 19:00 oer start de kwis.
Zèt dus zónjig 7 fibberwarie óm 19.00 oer vas in de agenda de Breingymnastiek op aafstandj op https://zawpense.nl/kwis. Wae zal de wènnaar waere en de hoofpries in óntvangs maoge numme?!
