St. Mertesoptoch 2025

Op maonjig 11 november aanstaonde truk de St. Mertesoptoch door de stroate van Beeg. Same mit eine houp Zawpenskes mit lampionne en Hofkapel Daag en Nach vertrèkke weer óm 19.00 oer bie de aw bazissjòal in Beeg (St. Catharinaplantsoen en verzamele óm 18.45 oer).

Óm 19:11 oer heise weer de vlag bie ’t Zawpensestandjbeeld en aansloetend wurdt oppe Diek ’t St. Mertespaerd verbrend.

De route is es volg: St. Catharinaplantsoen – Schoolstraot – Raadhuisstraot – Boulevard – Past. Dolsstraot – Beekstraot – Pannesheuvel – Diek.

Lejevergadering 2025

Later op de aovend (20.30 oer) is de lejevergadering van V.V. de Zawpense Beeg. Weer wille alle leje van harte oetnuedige óm hie bie aan te sloete. Op de vergadering zal óngerangere ’t motto van 2026 bekènd waere gemaak.

Let op!!! Dit jaor zal de lejevergadering weer bie Gemeinsjapshoes Oos Hoes plaatsvènje!!!

De notule en vergaderagenda zeen reeds per meel verstuurd, ’t jaorverslaag zal bènnekort nog róndjgesjik waere en daonao opvraogbaar via: secretariaat@zawpense.nl

Kènse neet kómme? Dan gaer ein aafmelding per meel toesture.

Weer Zawpense höbbe d’r weer hiël väöl zin in!! Weer houpe geer ouch en houpe uch kómmend sezoen ouch weer te zeen bie ein van de aktiviteite.