Senioreprinses Maria

Senioreprinses Maria (Lechner) is gebaore op 9 maart 1954 mit ‘t sterrebeeld Vösje in Wiesentheid (ein dörpke in Franken, Bayern, Duutslandj). In 1982 is zie door toedoon van Harrie Pernot, destieds leraar Nederlands aan de Volksuniversiteit, in Nederland terech

gekómme. Harrie nuedigde Maria en gevolg oet om ‘ns ein kroegetoch te kómme doon in ’t ummer zao sjaone en leuke Beeg (toen waore nog ech väöl kaffees). Zie waore daonao zao gecharmeerd van ós dörke dat zie zich in 1983 ein hoes kochte taegeäöver de Frankenstraot. Dao zeen in 1984 dochter Sandra en later in 1989 zoon Michael gebaore.

Senioreprinses Maria zet zich al jaorelangk in es vrijwilliger. Iës es leshulp op sjóal, klaaräöver brigadier en ‘t organizere van ‘t jeugdzwömme. Later ouch es aktief hulpverlener bie EHBO vereniging Grevenbicht-Papenhoven. Bie diverse aktiviteite van de Zawpense höb geer Maria waarsjienlik waal al ‘ns gezeen in ein gael fluo hesje. Ós hóaghede en Raod van 11 zeen dus tiejes de Vastelaovend in gooj hanj bie ein ongelukske.

Ós Senioreprinses haet jaore mit inkele Vastelaovesgroepe mitgeloupe in de Gróate Vasteloavesoptoch wo zie in kategorie klein groepe regelmaotig ein prieske wònne. Ouch haet zie aan de optoch mitgedaon mit Buurtvereiniging “De Kempe”.

Nao eine ingriepend verangering in häör privelaeve en ’t oetein valle van de vrunjegroep is Senioreprinses Maria begoos aan ’n nuuj oetdaging door te starte mit ein beroepsopleiding en ’t vènje van ein baan. 2 joar geleeje haet zie de pensioenlaeftied bereik en zeen de vriejetieds aktiviteite weer toegenómme.

Nog altied is Senioreprinses Maria aktief lid van de EHBO vereniging Grevenbicht-Papenhoven es hulpverlener en bestuurslid. Dageliks ein wanjeling en yoga -powerlesse helpe häör om fit te blieve, mer ’t meiste geneet zie van ’t beloestere en bezeuke van concerte (Hermenieje, André Rieu en Revivalbands).

Mit spanning kik ós Senioreprinses oet nao häör nuje oetdagende functie tiejes de Vastelaovend van 2023 in Beeg!!

Foto: Guido Hahnraths