Senioreprinsepaar Jan & Lilian
Senioreprins Jan is gebaore es Johannes Henricus Goossens op 5 september 1957 in Berg a/d Maas. Hie greujde hae op same mit 2 breurs en 1 zöster. Op zien 16e verhoesde ’t gezin nao Stein.
Senioreprinses Lilian, is gebaore es ein ‘Steinder Bökske’ met de name Elisabeth Maria Gertruda Martens op 10 jannewarie 1960 in Stein.
Jan en Lilian liërde zich kènne in ’t zwömbad van Stein wo Jan vakansiewerk deeg en Lilian dèks te vènje waor omdat zie lid waor van de zwömklup.
Senioreprinsepaar Jan en Lilian zeen nao 4 jaor verkiëring in 1982 in de Kuppelkovenderstraot in Beeg neergestreke en bleve dao 10 jaor wone totdat ze de kans krege om hun eige palieske te realizere óppe Dijk 7A. Zie krege twië kènjer: dochter Sanne in 1987 en zoon Jens in 1990. Dao kaom sjóanzoon Jean-Paul Savelkoul nog bie. Beide kènjer vertrókke na hun studie oet Beeg, mer kaome nao 6 jaor Brussel (Sanne en Jean-Paul) en Utrech (Jens) weer trök nao Beeg. Zoon Jens is zelfs weer tiedelijk toes kómme wone naodat hae twië däöre wujer, op de hook mit de Watermäölestraot, eine eige stek haet gekoch, mer dao mót nog iës eine flinke verboewing plaatsvènje väördat hae dao definitief kènt gaon wone.
Seniorenprinsenpaar Jan en Lilian zeen beide sinds aafgeloupe jaor mit prepensioen gegange en genete volop van hunne vriejen tied.
Jan waor wirkzaam es engineer en Lilian waor es docent werkzaam bie ’t Vista College.
Same zeen ze lid van de Nuuj Hermenie (Hermenie St. Cecilia) wo Jan ’t instrumentebeheer duit en Lilian driede klarinet speet. Ouch de kènjer zeen spelend lid van de Nuuj.
Natuurlik wurdt mit de Vastelaovend mit de Nuuj deilgenómme aan de optochte en vènje ze ’t ouch leuk om mit eine vrunjegroep “op stap” te gaon in ’t Beegse.
In hunne vriejen tied is ’t er op oet trèkke mit de caravan ein favoriete bezigheid. ’t Leefste gaon ze nao de berge om dao lang wanjeltochte te make. Ouch gaon ze regelmaotig op bezoek bie zös Maud en zwaoger Hans die in New York wone. Jan is momenteel drök bezig mit klusse in ’t huuske van Jens. Lilian hult d’r van zelf bróad en anger lekkernije te bakke, van handjwirke en van same mit Jan fits- en wanjeltochte te make.
Ze vènje ’t ein hiële gróate iër dat zie dit jaor es ’t Seniorepaar van de Zawpense de Vastelaovend in Beeg maoge gaon mitmake.