Stap op zaoterdig 10 jannewarie bènne in de badkamer van Beeg mit sóp, sjoem en sjaerkwaste en geneet van eine middig vol meziek, spel en waterpret! De spanning steigt - net es de stoum van ein heite douche - want wae waere ós nuuj hóaghede? Kóm 't zelf zeen!

Kènjermiddig (start óm 16:11 oer)
De jóngste Zawpenskes stappe in de badkoep en laote hun talente zeen - van douchesjtangmoves, tot sjampooflesje-playback en missjien waal ein live optraeje op de wc-bril. Vertel ein mupke dae zao drueg is tot zelfs de handjdook jaloers wurdt. Opgaeve kèn via ’t insjriefformuleer welke te vènje is op www.zawpense.nl/opgeven-optredens-kenjermiddig

Spesjaal väör de kènjer oet groep 6 en 7
Dit jaor is 't weer ekstra spannend väör de jonges en maedjes oet Beeg, Papenhaove en Sjipperskirk. Wae zal 't nuje Jeugprinsepaar waere en wae kump in de Jeugraod. Insjrieve is mäögelik via www.zawpense.nl/opgave-jeugprinsenpaar-jeugraad-van-11

Weer kieke oet nao ein kluerriek bad vol optraejes en houpe op eine geweldige nieuwe Jeugprins en Jeugprinses mit Raod van 11!

Nao de kènjermiddig is d’r net zao wie väörig jaor tied óm ónger genot van ein plaetje van ózze DJ de inwendige miensj get te versterke. De Zawpense zörge hieväör dus geer hoof neet nao hoes te gaon!!!

Vanaaf 19.44 oer - 't Gróate Badkamerfiës!
Nao de Kènjermiddig wurdt 't bad ontkurk en verangerd de badkamer in ein damped fiëspalies. Mit meziek en mitwirking van ónger angere Z.H. de Roepoepers en veesje LKZH Kampioen Z.H. Nuchter Vertroch belaof deze aovend ein spektakel vol lol, sóp en glijpartiej-waardige gezelligheid.

Tiejes dees akitiviteite make weer bekend wae de Iërezawpens en 't Seniorepaar zeen en in de 'grande finale' trekke weer 't douchegordien aope en onthulle weer wae 't Prinsepaar van de Beegter Vastelaovend 2026.

Kóm op tied, want dit wulse neet misse! Nao de onthullinge geit 't fiës door, tot in de late uurkes.

Zet de datum in diene agenda, trek die sjóanste badkamer-outfit aan en kóm 't avontuur belaeve!