Aanstaonde maonjig wurdt ’t nuje vastelaovessezoen weer geäöpend. Same mit ós Hofkapel Daag en Nach en eine houp jóng Zawpenskes mit lampionne, zulle weer de vlag heise bie ’t Zawpensestandjbeeld wonao v’r op d’n diek mit z’n alle ’t St. Mertespaerd gaon verbrenne (vertrèk óm 19.00u bie bazissjòal de Kingbeek (lokasie Beeg)). Aansjloetend zal tiejes de tradisjonele lejevergadering in Oos Hoes óngerangere ’t motto van 2020 bekènd gemaak waere en kènt ’t raoje wae ’t nuuje prinsenpaar wurdt beginne!

Mit ’t äöpene van ’t nuje sezoen sljoete weer ouch ós jubileumsezoen aaf. Weer wille bie deze dan ouch nog ‘ns alle luuj bedanke väör ein geweldig 4×11 jubileumjaor. Es Vastelaovesvereiniging de Zawpense zeen weer gruetsj dat weer dit in en väör Beeg en ómstreke, kènne en maoge doon!