Mit ’t heise van de Zawpensevlag door Prins Timo en Prinses Sylvie (mit eige begeleiding) höbbe de Zawpense aafgeloupe zaoterdig offisjeel hun sezoen geäöpend. Aansloetend haw de tradisjonele lejevergadering ouch dit jaor weer eine good gevölde agenda. Twië biezunjer puntje hievan wille weer mit uch deile.

Ózze Väörzitter Gène Savelkoul haet te kènne gegaeve óm ziene väörzittershamer dit jaor door te gaon gaeve. Gène is al hiël get jaor bie ós vereiniging en is in 1979 zelf Prins gewaes mit zien Prinses Marianne. Gène is 13 jaor Väörzitter gewaes (11-11-2010 t/m 11-11-2023) en haet in die periode 11 Prinse oetgerope. Weer zeen Gène erg dankbaar wat hae allemaol väör de Zawpense beteikend haet en prieze ós gelökkig dat hae waal betrokke blif bie de vereiniging es bestuurslid. Tiejes ’t kómmende Vastelaovessezoen zulle weer nog spesjaal ein moment inplanne óm Gène in ’t zunke te zètte. Iërevors Frank Hermans zal verluipig es interim-väörzitter plaatsnumme.

’t Twiëde puntj wat weer mit uch wille deile is dat ’t Prinsepaar weer ein houp jubilarisse haet maoge dekorere. Ein biezunjer vermelding hie bie väör Nic Tholen en Fons Jennen, die respektievelik al 33 jaor en zelfs 44 jaor lid zeen van ós sjóan vereiniging! Dao zeen weer gruetsj op!

De Zawpense felisitere en bedanke uch allemaol.

1 x 11 jaor
Vincent Savelkoul
Jonne Savelkoul
Frank Spee
Thei Savelkoul
Jan Mestrom
Jeanne Mestrom
Esther Vola
Joke Kamstra
Martijn Bohnen
Martijn van de Berg
Ruub Bouts
Emy Houben
Maurice Fliescher
René Lemmens

2 x 11 jaor
Carolien Savelkoul
Tilly Vola
Eric Salden
Ger Driessen
Harrie Claessen
Hermie Smeets
Jeanne Hermans
Micheline Hermans
Lizette Hermans

3 x 11 jaor
Nic Tholen

4 x 11 jaor
Fons Jennen