Leef Zawpense,

Op vriedig 11 november aanstaonde wurdt ’t nuje vastelaovessezoen weer geäöpend. Same mit ós Hofkapel Daag en Nach en eine houp jóng Zawpenskes mit lampionne (vertrèk óm 19.00u bie bazissjòal de Kingbeek), zulle weer óm 19:11u de vlag heise bie ’t Zawpensestandjbeeld, wonao v’r mit z’n alle ’t St. Mertespaerd gaon verbrenne oppe Diek. Aansjloetend (20.30u) zal tiejes de tradisjonele lejevergadering, wo weer alle leje van de vereiniging van harte väör oetnuedige, óngerangere ’t motto van 2023 bekènd gemaak waere. Nao twië jaor kènt ’t raoje wae ’t nuuje prinsenpaar wurdt eindelik weer beginne! Let op!!! In taegestelling tot anger jaore zal de lejevergadering dit jaor bie Cafe de Mert plaatsvènje!!!

De notulen, jaorverslaag en vergaderagenda zeen per meel opvraogbaar via: zawpense.beeg@home.nl

Weer Zawpense höbbe d’r in elk geval hiël väöl zin in!! Weer houpe geer ouch en houpe uch kómmend sezoen ouch weer te zeen bie ein van de aktiviteite.