VV De Zawpense herdenkt Pierre Lumens

Mit gróate versjlagenheid haet Vastelaovesvereiniging de Zawpense kènnis genómme van ’t äöverlije van Pierre Lumens op 26 november jl. Same mit zien eega Fien waore zie ’t iëste Zawpense Prinsepaar in 1976 en waor hae later same mit Sjeng van de Bergh Iërezawpens 1996, dit vanwaege hunne inzat tiejes de gróate verboewing van de Zawpensetempel Oos Hoes en de werkzaamhede aan de nuje prinsewagel. Pierre haet de Zawpense altied ein werm hart toegedrage en daonaeve jaorelank de proklamasies van diverse hóaghede op perkament gezat.

Tiejes de aafgeloupe vastelaovend woorte zelfs in ’t kader van ‘t 4×11 jubileum ’t prinsepak en prinsessekleid nog ‘ns van de zölder gehaold óm same nog ‘ns mit de optoch te trèkke.

Vastelaovesvereiniging de Zawpense wunsj Fien, kènjer, kleinkènjer en achterkleinkènjer hiël väöl sterkte.