Op zaoterdag 11 jannewarie woorte in de Zawpensetempel Oos Hoes de nuje hóaghede van ’t Zawpenseriek bekèndgemaak.
Naodat de jubelejumhóaghede Prins Rik I en Prinses Maud hun aafsjiedswoord tot de aanwezige Zawpense gerich hawwe, startte ’n spectaculaire prinsoetreuping, wobie de populaire Spaanse Netflix serie La Casa de Papel de basis vormde väör ‘n spannend toneelstök.
Iërezawpens 2020
Iërezawpens 2020Theo Mostert woort tot Iërezawpens 2020 beneump, dit ónger angere vanwaege zien inmiddels 44 jaor lidmaatsjap van de raod van 11 van de Zawpense en verzörging van ‘Extra Light’ bie 1001 evenemente (Prinsenoetreuping, Beegter Aovende, 11 van de 11, Oktoberfest Sittard, etc.).
Senioreprinsepaar
Senioreprinsepaar’t Nuje Senioreprinsepaar (es opvolgers van Bert en Leida Wessels) wurdt gevormp door Thei en Lyan Schreurs.
Thei is wirkzaam es ambtenaar bie de gemeinte Landgraaf. Lyan is direkteur van aopenbare bazissjòal de Kring in Genhout en van bazissjòal Spaubeek in Spaubeek. Thei en Lyan zeen ‘t 1e seniorepaar van “jóngerevereniging Allemaol Kwatsj”, womit zie al ruum 30 jaor de optoch in Beeg loupe. Vastelaovend viere zit bie seniorepaar in het blood. De awwers van Thei, Sjeng en Truus Schreurs, zeen Senioreprinsepaar gewaes in 1984 en de opa en oma van Lyan, Wiel en Lisa Jennen, in 1989.
Prinsepaar
PrinsepaarTenslotte woort Roy Hendrix oetgerope es de 45ste Prins van VV de Zawpense; Hae woort bevried nao ‘n spektakulaire kidnapping en zal gaon regere ónger ‘t motto van 2020: Wat ’n laeve!
Prins Roy I zal gaon regere same mit zien Prinses Sonja. Prins Roy I is aktief bie Zaate Hermenie De Roepoepers en tiejes ‘t bókse sparringspartner van awt Prins Eric II. De Prins is in ‘t dagelijks laeve fysiotherapeut bie Fysiofit Ghijsen in Nuth. Prinses Sonja wirk es stewardess bie KLM en vlug hiemit de ganse waereld äöver. In häöre vriejen tied is ze druk in de weer mit hun kènjer Julie en Bas.
Jeugprinsepaar
JeugprinsepaarOp zónjig 12 jannewarie vónj de kènjermiddig plaats. Hie vormde ‘n klaslokaal ‘t dekor väör de oetreuping van ‘t nuje Jeugprinsepaar. De nuje jeugdige heersers zeen Jeugprins Joris (Driessen) en Jeugprinses Saar (Luik). Zie gaon dit jaor väörop in de vastelaovend väör de Beegse jeug.
Saar geit in Maaseik nao bazissjòal de Boomgaard, speelt klarinèt bie de Koninklijke Harmonie Aurora en zit op turne.
Joris geit nao bazissjòal de Kingbeek in Beeg, is lid van Schutterij ’t Heilig Kruis, judoot bie EJC Grevenbicht, fits gaer op ziene mountainbike bie WCL Bergklimmers en es d’r nog get tied äöver is geit hae snorkele/duke bie duukclub de Robben in Zitterd.
Alle hóagwaardigheidsbekleders hawte op 15 fibberwarie aanstaonde resepsie óm 18:33 oer in Zawpensetempel Oos Hoes.
Eine daag later, op 16 fibberwarie vanaaf 14:11 oer, vundtj in Oos Hoes de senioremiddig plaats, wobie Senioreprinsepaar Thei en Lyan zich zulle prezentere aan de seniore oet ‘t Zawpenseriek. Seniorebond Levensvreugd zörg in samenwerking mit VV de Zawpense väör een sjóane middig.
