#Hint: Wae wurdt ’t nuje Prinsepaar?

Bor, Buchte, Obbeeg en Houtem maakde al ein gróat gebaar.
Mèr wae wurdt in Beeg 't nuje Prinsepaar?

Wae geit in 2024 väörop in 't Zawpenseriek?
Wone ze in de Verkessteeg of mótte weer 't zeuke oppe Diek?

Ze zitte thoes zenuwechtig klaor.
Want dit lange wachte vilt hun bès zwaor.

Höbbe weer hun name al róndj huere gaon?
Of zal 't ein verrassing zeen es se dalik dao staon?

Neum de name en wach of se gelök höbs of pech.
Want de Zawpense gaeve aan ein van de gooi antjwoorde 11 bónne weg.

Dan is 't mekkelik rope: "Allèh, nog eine dan!"
Mèr wae is noe dae mysterieuze man?

Hae is eigelik zóa wie konfetti mer ouch weer neet gans.
Dat ze hun kèns is ein gróate kans.

Eigelik is 't simpel, hun name staon gewuen d'r op.
Mèr dat vilt tot noe toe nog nemes ech op.

Dit jaor gaon weer väör alle kluere doorein.
Want bóntje kraom maak de Vastelaovend zao fijn.

Riet dich get aan en sjmink dien gezich.
En trouwes ós motto spruk ouch väör zich.

Leef luuj van Beeg, 't wurdt weer ein sjiek fiës de kómmende waeke.
Kènt geer de puzzel van dit gedichske braeke?