Gróate Vastelaovesoptoch 2020
NUUJ! Aanmelje väör d’n optoch zal in taegestèlling tot anger jaore väöraaf gebäöre. Dit kènt d.m.v. de naam en ’t aantal persóane in de groep te e-maile nao zawpense.beeg@hóme.nl. Op dees maneer kènt ein baeter optochindeiling gemaak waere.
De gróate optoch start dit jaor vanaaf de Dr. Duysenslaan. Opstèlle kènt vanaaf 13.11 oer, optoch start óm 14:11 oer, dit naodat m’n tössje 11.00 oer en 12.00 oer ’t startnómmer is kómme aafhaole in Oos Hoes.
In verbandj mit de veiligheid van mit name de deilnummers zal ’t doorgaonde verkiër gedoerende korte tied ómgeleid waere. Weer verzeuke deilnemers zich tiejig uters rechs van de weag op te stèlle, zóadat de doorgank gewaarborg is. Weer houpe op uch aller mitwirking.
Nao vertrèk zal de volgende nuuj route waere gevolg: Dr. Duijsenslaan, Lindenstraat, Houtstraat, Beneluxlaan, Thorbeckestraat, Raadhuistraat, Boulevard, Nieuwstraat, Aan de Greune Paol, Schoolstraat, Raadhuisstraat, Burg. Kotenplein, wo óntbènjing plaatsvundj.
D’r zeen weer 3 kategorieje: gróate groepe (vanaaf 12 persóane), klein groepe (2 t/m 11 persóane) en einzelgänger (1 persóan).
’t Gebroek van alkoholiese dranke is volgens de lokale verordeninge verbaoje en de EHBO-Grevenbicht zal weer langs de optochroute kollektere. Weer verzeuke de bewoners aan de optochroute op deze maonjig hun auto(s) neet te parkere op de route en derden te verzeuke dat ouch neet te doon. Weer danke uch noe alvas väör uch mitwirking.
