Gróate Prinseoetreuping 2023!

Gróate Prinseoetreuping 2023!

Op zaoterdig 14 jannewarie vanaaf 16.11 oer zal nao 3 jaor eindelijk weer ein Prinseoetreuping maoge plaatsvènje! Ós hóaghede väör 2023 staon te popele en zulle oetgerope waere tiejes eine super schicke Schlagerparade! Dit alles vundtj plaats in de Zawpensetempel Oos Hoes en de toegang is gratis!

De middig beginne weer mit o.a. optraejes van de jeug, meziek van de jeughermenieje en eine spannende act wo weer d’r achter gaon kómme wae ós nuuj Jeugprinsepaar geit waere! Opgaeve väör ein optraeje of jeugdraod/jeugdprinsepaar kènt nog t/m donderdig 12 jannewarie (formulere zeen te vènje op zawpense.nl/kenjermiddig)!  Nao de kènjermiddig is d’r tied om ónger genot van ein plaetje van ózze DJ de inwendige miensj get te versterke. De Zawpense zörge hieväör dus geer hoof neet nao hoes te gaon!!!

Taege 19.44 oer zölle weer starte mit ’t aovendprogram. ’t Thema van deze aovend is Schlagerparade en mit mitwirking van o.a. Z.H. De Roepoepers, Z.H. Nuchter Vertroch en diverse Beegse artieste stuit deze aovend garant väör väöl spas en plezeer!! Wae zal in 2023 ós Seniorepaar waere en wae wurdt Iërezawpens??

’t Hóagtepunt van de aovend zal rondj 21.11 oer plaatsvènje, want dan zal bekend waere gemaak welk Prinsepaar väörop zal gaon in de Beegter Vastelaovend van 2023!!! Zeet d’r dus op tied bie, want dat wilt geer neet misse!!!! Aansloetend op ’t Prinsebal kènt tot in de late uurkes gefiës waere en zal ózze DJ de kraom oppe kop zette! Geer komp toch zeker?!?!?!

Väörstelle hóaghede 2023

Op zónjig 15 jannewarie zulle weer de hóaghede aan uch gaon väörstelle. Same mit Hofkapel Daag & Nach make weer eine róndjgank door ’t dörp en stoppe weer bie de Beegse kaffees. Weer wulle uch natuurlik ouch hieväör van harte väör oetneudige om mit te gaon! In elke kaffee zal d’r meziek of optraejes zeen!! ’t Väörstelle en de róndjgank start om 14.33u oer van oet Cafe Aurora! Trampel dus mit!!!