Gróate Prinseoetreuping 2023
Höb geer de Zawpense in de aafgeloupe waeke in ’t duuster al gespot, starend nao de hemel? ’t Stuit in de sterre gesjreve!! Mer wae geit ’t waere?? Nog ein waekske wachte en dan weite weer nao 3 jaor wae de opvolgers zulle zeen van ós hóaghede van 2020.
Op zaoterdig 14 jannewarie om 16.11 oer begint de middig mit o.a. optraejes van de jeug en meziek van de jeughermenieje. Opgaeve väör ein optraeje of jeugdraod/jeugdprinsepaar kènt nog altied en formulere zeen te vènje op zawpense.nl/kenjermiddig!
Weer wulle ouch alle jeug oetnuedige om zich te verkleije! Trek uch sjiekste of gekste Vastelaovespekske weer oet de kas! Ouch (gróat)awwers, femilie, bekènde en vrunj zeen mië dan welkom op deze spannende middig!
Taege 19.44 oer zölle weer starte mit ’t aovendprogram, met es hóagtepunt ’t oetroepe van ’t Prinsepaar 2023!! Zeet d’r op tied bie, want dat wilt geer neet misse!!!!
