NUUJ!! Op vastelaovesdeinsdig (25-02-2020) organiseert VV De Zawpense ein gloednuuj evenement, namelik ein heuse Beegse Boete Zitting (BBZ). Väor dees 1e editie zein inmiddels al ènkele landelik bekènde artieste vasgelag wo ónger Mister Loco Loco himself, Jeróme Gelissen. Tiejes deze middig zal ’t publiek oetgedaag waere óm mit te doon aan diverse ludieke aktiviteite en dit alles zal mit muzikale óngersteuning zein van Hofkapel Daag en Nach, ZH Nuchter Vertroch, ZH De Roepoepers en DJ Ultrasound.
Tiejes de BBZ zal ouch de ammezjurepries 2020 waere oetgereik en ’t Brendariscómité is aanwezig óm Frenske te äöverhanjigge aan Prins Roy I.
De 1e Beegse Boete Zitting zal starte óm 15.33 oer op ’t Burg. Kotenplein.
