Aanmelje Gróate Vastelaovesoptoch 2023

Op Vastelaovesmaonjig truk tradisiegetroe de Gróate Vastelaovesoptoch door de straote van Beeg. Weer vraoge de deilnummers óm zich väöraaf alvas aan te melje via zawpense.beeg@home.nl (bie ’t aanmelje gaer de naam en ’t aantal persóane in de groep doorgaeve), op dees maneer kènt ein baetere optochindeiling gemaak waere. Vilt uch tiejes dees daag nog get in en wilt geer mit de optoch mit, dan kènt geer uch nog altied op maonjigmörge tösje 11.00 oer en 12.00 oer insjrieve bie gemeinsjaphoes Oos Hoes, wo ouch de al ingesjreve deilnummers hun startnómmer kènne kómme aafhaole.

De gróate optoch start vanaaf de Dr. Duysenslaan. Opstèlle kènt vanaaf 13.11 oer, optoch start óm 14.11 oer. Nao vertrèk zal de volgende route waere gevolg: Dr. Duijsenslaan, Lindenstraat, Houtstraat, Beneluxlaan, Thorbeckestraat, Raadhuistraat, Boulevard, Nieuwstraat, Aan de Greune Paol, Schoolstraat, Raadhuisstraat, Burg. Kotenplein, wo óntbènjing plaatsvundj.