>Vanmiddig höbbe weer mit gróat verdreet kènnnisgenómme van ’t äöverlieje van ózze Senator en mede oprichter Thieu Stauder.
Thieu waor ein van de oprichters van ós vereiniging en 't kreatieve brein achter 't óntstaon van V.V. de Zawpense Beeg in 1975.

Hae waor oprichter, awt-Vors, Väörzitter, Senator, Iërezawpens, dekorboewer, mezieksjriever, muzikant, tekssjriever en wageboewer. Eine man van 1000 ideje, verbeeldingskrach en tomeloze inzèt. Hae laefde väör 't spel, 't woord en 't beeld, en mit hart en ziël boewde hae aan alles wat ós vereiniging waor en vandaag is gewore. Väör ziene inzèt óntving Thieu in 2015 't Vastelaoveshart van de Gemeinte Zitterd-Gelaen.

Aan dit Zawpense skrip kump noe definitief ein ènj. De gerdiene gaon toe. Mer zien werk, ziene geis en zien verhaole laeve wujer bènne de Zawpense Beeg.

Weer numme aafsjied van eine man dae ónlosmakelik mit ós vereiniging is verbónje.

V.V. de Zawpense wunsj zien femilie en deerbare hiël väöl sterkte toe.