Mit gróat verdreet höbbe weer kènnnisgenómme van 't äöverlieje van ózze Senator Gène Savelkoul. Eine man dae ónlosmakkelik verbónje is mit Vastelaovesvereiniging de Zawpense Beeg. Dankbaar zeen weer väör alles wat Gène väör ós vereiniging haet beteikend.

Gène waor eine echte vereinigingsman. Es Prins in 1979, same mit zien Prinses Marianne, belaefde hae väöl hóagtepuntje mit de Vastelaovend. Hae waor lid van de Raod van 11, bienao 40 jaor bestuurslid en 13 jaor väörzitter van ós vereiniging (11 Prinse oetgerope). De beneuming tot Senator waor mië es verdeend en veulde es ein króan op ziene jaorelange inzèt.

Gène woar eine verbènjer, eine bewaker van tradisies en baoveal eine werme en betrókke miensj. Ziene inzèt en humor gaon gemis waere, mer zien naolaotesjap laef door in alles wat hae väör de vereiniging beteikend haet.

V.V. de Zawpense wunsj Marianne, Koen, Milou en femilie hiël väöl sterkte toe in deze meujlikke tied.